Karyjesu kaniec? Navukoŭcy raspracavali pałaskalnik dla zuboŭ novaha pakaleńnia
Rasijskija navukoŭcy raspracavali ŭnikalny skład zubnoha pałaskalnika, jaki istotna źmianiaje skład mikrafłory zuboŭ, źniščaje bakteryi zubnoha nalotu i źnižaje imaviernaść zapaleńnia dziasnaŭ, paviedamlajecca na sajcie geektimes.ru. Kliničnaja aprabacyja rastvoru pałaskalnika była praviedzienaja na dobraachvotnikach z kafiedry stamatałohii Kiraŭskaha dziaržaŭnaha miedycynskaha univiersiteta.
Navukoŭcy śćviardžajuć, što stamatołahi siońnia aktyŭna vyrašajuć zadaču prafiłaktyki karyjesu z vykarystańniem rastvoraŭ, jakija nie ŭtrymlivajuć ftoru.
Pry hetym zubnaja ščotka z pastaj čyścić maksimum 61% nalotu, i toje tolki z žavalnych, jazyčnych i ščokavych pavierchniaŭ. Tolki niešmatlikija pacyjenty vykarystoŭvajuć zubnuju nitku, matyvujučy heta adsutnaściu času. Najbolš papularnymi stanoviacca pałaskalniki, bo ich čaścicy pranikajuć i ŭ mižzubnyja pramiežki. Rasijskija navukoŭcy u partniorstvie ź miedycynskimi śpiecyjalistami raspracavali novy typ pałaskalnikaŭ dla rota na asnovie nanačaścic mietałaŭ, jaki pry rehularnym vykarystańni źnižaje rost patahiennych bakteryj na 83%, źnižajučy ryzyku raźvićcia karyjesu i zachvorvańniaŭ paradontu.
U vyniku praviedzienych ispytaŭ było vyjaŭlena, što ŭžo na praciahu pieršych 24 hadzin adbyvałasia inhibavańnie (padaŭleńnie) rostu bakteryj zubnoha nalotu pry vykarystańni roznych rastvoraŭ nanačaścic mietałaŭ.
«Kletka patahiennaha mikraarhanizma pamiraje ŭ vyniku chimičnaj destrukcyi jaje ścienak i roznych miembran, u tym liku i miembran arhaneł kletki», — kaža suaŭtar prajekta, dekan stamatałahičnaha fakulteta Kiraŭskaha DMU, k.m.n. Śviatłana Hromava. «U dačynieńni da załacistaha stafiłakoka i bolšaści kokaŭ bakterycydnyja i bakteryjastatyčnyja ŭłaścivaści preparatu časam značna pieraŭzychodziać dziejańnie antybijotykaŭ».
Kiraŭnik navukovaj hrupy Hieorhij Frałoŭ raspavioŭ ab navukovych vysnovach ekśpierymientaŭ: «Ijony mietałaŭ i ich dysacyjavanyja złučeńni zabivajuć mikraarhanizmy. Najbolš mocnym bakterycydnym dziejańniem vałodaje srebra, mienšym — miedź i zołata. My zafiksavali ŭ chodzie daśledavańnia, što padčas vykarystańnia pałaskalnikaŭ na asnovie aksidaŭ mietałaŭ značna źnižajecca kolkaść miakkaha zubnoha nalotu na pavierchniach zuboŭ (da 83%), źnižajecca kolkaść patahiennaj mikrafłory až da poŭnaha jaje źniščeńnia».
Ciapier raspracoŭščyki zajmajucca rehistracyjaj składu i aficyjnym patentavańniem jaho ŭ jakaści pałaskalnika.
Praŭda, da kanca nie viadoma, ci buduć u rastvoru pabočnyja efiekty.
