Na ŭkrainskaj miažy zatrymali biełarusa za sprobu ŭvozu patronaŭ
Ukrainskija pamiežniki na punkcie propusku «Novyja Jaryłavičy» (na miažy z Homielskaj vobłaściu) zatrymali biełaruskaha hramadzianina za sprobu ŭvieźci va Ŭkrainu 60 patronaŭ kalibru 7,62 milimetraŭ.
Patrony ŭ bahažnym adździaleńni aŭtamabila «LAND ROVER» vyjaviŭ słužbovy sabaka, natreniravany na pošuk zbroi.
Jak paviedamili radyjo «Svaboda» ŭ administracyi Dziaržaŭnaj pamiežnaj słužby Ŭkrainy, raspačataje dasudovaje raśśledavańnie pavodle prykmietaŭ złačynstva, praduhledžanaha artykułam 201 Kryminalnaha kodeksu Ŭkrainy — kantrabanda. Zhodna z zakanadaŭstvam, pieramiaščeńnie «zbroi i bojeprypasaŭ praź miažu pa-za mytnym kantrolem abo z utojvańniem ad mytnaha kantrolu» karajecca pazbaŭleńniem voli na termin ad troch da siami hadoŭ z kanfiskacyjaj pradmietaŭ kantrabandy.
Pamiežniki pieradali hramadzianina Biełarusi supracoŭnikam Słužby biaśpieki Ŭkrainy dla praviadzieńnia dalejšaj pravierki.
