Premjeram Sierbii ŭpieršyniu stanie žančyna. Jana zajaviła pra svaju homaseksualnaść
Tanјuh/R.P
Prezident Sierbii Alaksandr Vučyč daručyŭ sfarmavać urad ministru dziaržkiravańnia i miascovaha samakiravańnia Anie Brnabič. Paśla zaćviardžeńnia jaje kandydatury parłamientam Brnabič stanie pieršaj žančynaj na pasadzie premjera krainy. Jana taksama pretenduje na toje, kab stać pieršym premjeram u historyi Sierbii, jaki adkryta zajaviŭ pra svaju homaseksualnaść, piša Bi-bi-si.
«Ja vieru ŭ toje, što jana vałodaje ŭsimi nieabchodnymi navykami i asabistymi jakaściami. I ja pierakanany, što jana budzie šmat pracavać», - zajaviŭ Vučyč.
«Kali parłamient mianie zaćvierdzić, ja ŭznačalu ŭrad z usioj adkaznaściu i addanaściu i budu vykonvać svaju pracu z honaram i luboŭju», - paabiacała Brnabič.
Bolšaść u sierbskim parłamiencie ŭ prychilnikaŭ Vučyča i partnioraŭ jaho partyi pa kaalicyi. Sama Brnabič nie źjaŭlajecca členam Sierbskaj prahresiŭnaj partyi.
41-hadovaja Brnabič vučyłasia va Univiersitecie Nortvuda ŭ Mičyhanie, a taksama atrymała stupień MBA ŭ brytanskim Univiersitecie Chała. Pasadu ministra dziaržkiravańnia i miascovaha samakiravańnia va ŭradzie Sierbii jana zaniała ŭ žniŭni 2016 hoda.
U vypadku zaćviardžeńnia na pasadu premjer-ministra Sierbii Ana Brnabič stanie piatym adkrytym homaseksuałam na pasadzie kiraŭnika ŭrada ŭ śviecie. Raniej heta adbyvałasia ŭ Bielhii, Isłandyi i Luksiemburhu; 14 červienia na pasadu premjer-ministra Irłandyi byŭ abrany adkryty hiej Lea Varakdar.
