Na terytoryi Kamaroŭki aficyjna dazvolili fatahrafavać
Ź siońniašniaha dnia Minski Kamaroŭski rynak aficyjna zdymaje zabaronu na fotazdymku na terytoryi pradpryjemstva, paviedamlajecca ŭ fejsbuku Kamaroŭki.
«U toj ža čas, prosim być uvažlivymi pry vykanańni sełfi z kapustaj, ahurkami, inšymi tavarami na rynku i vykonvać miery biaśpieki. U vypadku nieabchodnaści zachavać na pamiać lubimaha pradaŭca (administratara, prybiralščyka, hruzčyka) prosim papiarednie atrymać zhodu ŭ abjekta ŭvahi, tym samym daŭšy jamu mahčymaść papravić pryčosku», — havorycca ŭ paviedamleńni.
Nahadajem, niadaŭna byŭ ahučany aficyjny adkaz Minharvykankama, u jakim havorycca, što hramadzianie majuć prava ažyćciaŭlać fota- i videazdymki ŭ ahulnadastupnych pamiaškańniach, u tym liku ŭ kramach, handlovych centrach, kłubach, barach.
