Kala 200 amierykanskich kanhresmienaŭ padali pazoŭ suprać Trampa
Kala 200 členaŭ kanhresa ZŠA ad Demakratyčnaj partyi padali kalektyŭny pazoŭ suprać prezidenta Donalda Trampa, abvinavaciŭšy jaho ŭ parušeńni zabarony na atrymańnie prybytku ad pradstaŭnikoŭ zamiežnych dziaržaŭ.
Dakumient padpisali prynamsi 30 sienataraŭ i 166 členaŭ pałaty pradstaŭnikoŭ.
Jany śćviardžajuć, što heta samy masavy hrupavy pazoŭ, padadzieny zakanadaŭcami suprać prezidenta, u historyi ZŠA.
Pavodle amierykanskaj kanstytucyi, prezidentu zabaroniena atrymlivać padarunki ad pradstaŭnikoŭ zamiežnych uradaŭ biez adabreńnia kanhresa.
Pry hetym, jak adznačajuć pazoŭniki, z momantu ŭstupleńnia na pasadu Tramp jašče ni razu nie braŭ dazvołu na płaciažy, atrymanyja jaho kampanijami ad zamiežnych uradaŭ.
«Prezident Tramp maje kanflikty intaresaŭ prynamsi ŭ 25 krainach, i padobna, što jon vykarystoŭvaje pasadu prezidenta dla taho kab maksimizavać prybytak», - cytuje ahienctva Rejter člena Pałaty pradstaŭnikoŭ Džona Konijersa.
«My robim heta nie tamu što heta dastaŭlaje nam zadavalnieńnie i nie tamu što heta vyhadna, ale z-za taho što prezident Tramp nie pakinuŭ nam inšaha vybaru», - dadaŭ Konijers.
Biźnies-impieryja Trampa ŭklučaje ŭ siabie bolš za 500 kamiercyjnych struktur, siarod jakich hateli, holf-kłuby, žyłyja damy. Z mnohimi z kampanij, padkantrolnych Trampu, supracoŭničali aficyjnyja pradstaŭniki zamiežnych dziaržaŭ.