10 rečaŭ, jakija mianie ździvili ŭ Ispanii
Piša Mikita Siemianienka.
1. Uletku sok u pryvatnych kramach kaštuje 70 centaŭ, kali biareš z palicy. I 1 jeŭra, kali ź ladoŭni.
2. Ludzi na vulicy kažuć adno adnamu «da pabačeńnia», a nie «vitaju», kali sustrakajucca pozirkami, ale nie majuć žadańnia, kab spynicca parazmaŭlać.
3. Na pytańnie «Do you speak English?», bolšaść ispancaŭ adkazvaje «Un poco» (krychu).
4. Palicyja pierabiahaje vulicu na čyrvonaje śviatło na vačach u ludziej, a ludzi robiać toje ž samaje na vačach u palicyi. I ŭsie zadavolenyja, akramia kiroŭcaŭ, viadoma ž.
5. Šmat ludziej kurać na vulicy marychuanu, i pravaachoŭnikaŭ heta nie chvaluje. Adnak za kureńnie travy pry dzieciach možna atrymać štraf da €500.
6. U supiermarkietach mohuć za biaspłatna vytrybušyć i pamyć rybu, a taksama narezać dolkami miasa, kaŭbasu, syr, chleb, kali ty pažadaješ.
7. U Makdonaldsie pradajecca piva.
8. U bujnych haradach na adlehłaści 200—300 km ad mora pradajucca kvatery pa €30 000.
9. Trapić u budynak univiersiteta moža kožny. Tamu ŭ prybiralniach možna sustreć biazdomnych, a na kalidorach — vandroŭnikaŭ, što padsiłkoŭvajuć svaje noŭtbuki.
10. Zamaŭlajučy piva albo vino, možna skazać «Con tapas, por favor» (Z zakuskaj, kali łaska), tady vy, mahčyma, atrymajecie paŭnavartasnuju talerku z kurkaj, rybaj, bulbaj albo burhieram, jakaja ŭvachodzić u košt napoju za 2—3 jeŭra. Časam jaje mohuć i nie danieści, ale, mahčyma, tamu što naš čałaviek spustašaje kielich raniej, čym ježa paśpiavaje pryhatavacca.