U Litvie prapanujuć zabaranić kureńnie na adlehłaści 10 m ad dziaciej i ciažarnych
Parłamient Litvy niadaŭna zrabiŭ bolš žorstkimi praviły spažyvańnia ałkaholu i abmiežavaŭ jaho dastupnaść, a nieŭzabavie jon voźmiecca za kurcoŭ. U płanach — skaračeńnie kolkaści miescaŭ, dzie budzie dazvolena kureńnie, piša Delfi.lt
Delfi.lt
Adpaviednyja papraŭki da kantrolu nad tytuniom i tytuniovymi vyrabami zarehistravaŭ Sajuz sialanaŭ i zialonych dy niekalki sacyjał-demakrataŭ. Jany prapanujuć zabaranić kureńnie na adlehłaści bližej 10 m ad dziaciej i moładzi da 18 hadoŭ, ciažarnych žančyn, u miescach volnaha času i adpačynku na vulicy, u tych miescach, dzie prachodziać spartyŭnyja spabornictvy i inšyja mierapryjemstvy. Ciapier kuryć pry dzieciach i ciažarnych nielha tolki ŭ aŭtamabilach.
Starasta frakcyi sacyjał-demakrataŭ Andrus Palonis, praŭda, adznačyŭ, što ŭsie prapanovy parłamient naŭrad ci ŭchvalić, pakolki składana kantralavać, kab nie kuryli na adlehłaści bližej 10 m da niepaŭnaletnich, tamu takaja zabarona nie patrebnaja.
«Idzieš pa vulicy, kuryš, mima prachodzić niepaŭnahadovy, što rabić? Budziem biehać ad ich? Viadoma, kali staiš pobač ź niepaŭnaletnim, nie budzieš pry im kuryć», - skazaŭ deputat. Pavodle jaho słoŭ, treba praduhledzieć i štrafy za parušeńni: «Navošta ŭsio heta, kali niama štrafaŭ?».
