Łukašenka nazvaŭ pravalnym vystupleńnie biełaruskaj zbornaj na Alimpijadzie ŭ Rya
Prezident Nacyjanalnaha alimpijskaha kamiteta Alaksandr Łukašenka siońnia, vystupajučy na Alimpijskim schodzie NAK Biełarusi, nazvaŭ pravalnym vystupleńnie biełaruskaj zbornaj na Alimpijadzie ŭ Rya-de-Žaniejra, piša BiełTA.
«U cełym vystupleńnie kamandy — pravalnaje! 40-je miesca ŭ miedalnym zaliku. Chiba heta adpaviadaje našym ŭkładańniaŭ u sport i ŭvazie dziaržavy da hetaj śfiery? - adznačyŭ jon. - Niama čaho šukać apraŭdańnia: narakać na klimat, brazilskuju niearhanizavanaść i praduziataje sudziejstva. Bo usie razumieli, što Alimpijada ŭ Rya - nie turystyčnaja prahułka. Heta najskładany ekzamien».
Nahadajem, što na Alimpijadzie ŭ Rya biełarusy zavajavali dzieviać miedaloŭ: adzin załaty (Uład Hančaroŭ — batut), čatyry siarebranyja i čatyry bronzavyja.
