Čatyrochhadovaja dziaŭčynka vypała z bałkona ŭ Biarozie
Incydent adbyŭsia 27 maja kala 9 hadzin ranicy. Z bałkona kvatery na druhim paviersie vypała čatyrochhadovaja dziaŭčynka. Jana atrymała ŭdary, traŭmu hałavy i chrybietnika. Dzicia špitalizavana.
«Sa słoŭ baćkoŭ, ranicaj dačka admoviłasia jechać razam sa starejšym bratam u palikliniku, tamu jaje pakinuli doma adnu. Jak miarkujecca, zatym małaja pieradumała i vyrašyła adpravicca za imi. Dla hetaha jana pryniesła kresła na bałkon, ź jakoha stała na padvakońnik. Dziaŭčynka samastojna rassunuła stvorki akna i vyskačyła ŭniz na ziamlu. Vidavočcy paviedamili pra heta ŭ chutkuju dapamohu», - raspaviała Maryna Drańkova.
Pa dadzienym fakcie pravierku pravodzić Biarozaŭski RASK. Z metaj vyśviatleńnia ŭsich akaličnaściaŭ incydentu praviedzieny ahlad miesca zdareńnia, apytany svajaki i susiedzi siamji, pryznačana sudova-miedycynskaja ekśpiertyza. Siamja charaktaryzujecca stanoŭča.