APIEK padoŭžyła skaračeńnie zdabyčy na dzieviać miesiacaŭ
Ministry krain APIEK uzhadnili prałanhacyju pahadnieńnia ab abmiežavańni zdabyčy nafty na dzieviać miesiacaŭ, da sakavika 2018 hoda. Krainy nie z APIEK, jakija taksama ŭdzielničajuć u pahadnieńni (u tym liku Rasija), padtrymajuć heta rašeńnie, pieradaje rbc.ru.
Pra toje, što ministry APIEK damovilisia padoŭžyć skaračeńnie zdabyčy da sakavika 2018 hoda, paviedamlajuć Reuters i Financial Times sa spasyłkaj na ŭdzielnikaŭ pasiadžeńnia ŭ Vienie. Sustreča za začynienymi dźviaryma jašče praciahvajecca, rašeńnie budzie abvieščana paźniej.
Padaŭžeńnie damovy čakałasia, jano było ŭličana ŭ naftavych katyroŭkach, ale zastavalisia pytańni ab terminach padaŭžeńnia (dzieviać miesiacaŭ ci hod), detalach abaviazacielstvaŭ dla asobnych krain (Livija, Nihieryja), mahčymaści dałučeńnia da ŭhody inšych krain nakštałt Turkmienii abo Jehipta.
Jak čakajecca, krainy, jakija nie ŭvachodziać u APIEK, ale ŭdzielničajuć u dziejnym pahadnieńni, dałučacca da rašeńnia padoŭžyć panižanyja kvoty naftazdabyčy. Padtrymku hetaj inicyjatyvie vykazvali ministr enierhietyki Rasii Alaksandr Novak i ministr finansaŭ Anton Siłuanaŭ.
