Majanez z asiatryny, katlety de-valaj i kaktejl «Tuci-fruci». Čym karmili ŭ minskim restaranie ŭ 1913 hodzie? FOTAFAKT
Adzin z prestyžnych minskich restaranaŭ «Grand Café Select», što na pačatku XX stahodździa znachodziŭsia na rahu vulic Zacharjeŭskaj i Bahadzielnaj, prapanoŭvaŭ svaim naviedvalnikam šykoŭnaje mieniu. Acanicie sami!
Źviestkami pra heta padzialiŭsia Dźmitryj Kiškilevič, vykłaŭšy śpis straŭ ŭ supołcy Nacyjanalnaha histaryčnaha archiva Biełarusi.
Čaho tolki varty «karaś obiernuar» i «jajki a-la biersi». Taksama ŭ restaranie była šyroka pradstaŭlenaja karta napojaŭ — partviejn, viermut, punš, francuzski kampot, drazdoŭskaje piva, limanady. Nie abyšłosia i biez bolš tradycyjnych straŭ: maładaja bulba, małasolny ahurok i kisłaje małako. Pryznavajciesia, ślinki paciakli?
Na žal, u 1919 hodzie restaran byŭ začynieny «ŭ suviazi ź pieraabstalavańniem ŭ savieckuju stałovuju №5».
«Naša Niva» — bastyjon biełaruščyny
PADTRYMAĆ
