«Krumkačy» rasstalisia z hałoŭnym trenieram
«Krumkačy» rasstalisia z hałoŭnym trenieram, ukrainskim śpiecyjalistam Uładzimiram Piacienkam, paviedamlaje Tut.by sa spasyłkaj na aficyjny sajt minskaha kłuba.
krumka.by
Nastaŭnik pakidaje kłub pa siamiejnych abstavinach, udakładniaje pres-słužba «krumkačoŭ».
Siońnia Uładzimir Piacienka raźvitaŭsia z kamandaj. Taksama kamandu pakidaje pamočnik hałoŭnaha treniera Albiert Kavaloŭ.
Treniravalny zaniatak pravodziŭ hałoŭny trenier dubla «Krumkačoŭ» Alaksiej Kučuk.
Uładzimir Piacienka pryniaŭ «Krumkačy» ŭ mižsiezońnie. Paśla 9 turaŭ «Krumkačy» z 8 ačkami (2 pieramohi, 2 ničyi, 5 paražeńniaŭ) iduć na 12-m miescy ŭ turnirnaj tablicy.
Ukrainskaje vydańnie Sport Arena siońnia paviedamiła, što ŭ «Krumkačy» moža viarnucca biełaruski śpiecyjalist Aleh Dułub, jaki vyvodziŭ kamandu ŭ vyšejšuju lihu, a ciapier kiruje ukrainskimi «Karpatami».
