Rasijskija chakieisty pieramahli finaŭ u pajadynku za bronzu čempijanata śvietu
Chakieisty zbornaj Rasii stali ŭładalnikami bronzavych uznaharod 81-ha čempijanatu śvietu, jaki siońnia zaviaršajecca ŭ Kiolnie, paviedamlaje BiełTA.
Upuściŭšy napiaredadni pieramohu ŭ paŭfinale z kanadcami (2: 4), rasijanie siońnia ŭpeŭniena pierajhrali finskuju zbornuju ŭ pajadynku za 3-je miesca ź likam 5: 3 (1: 0, 3: 1, 1: 2).
Rasijskija chakieisty paŭtaryli svoj vynik hadavoj daŭnaści - na chatnim ČS-2016 jany taksama zavajavali bronzu, razhramiŭšy ŭ matčy za 3-je miesca amierykancaŭ ź likam 7: 2.
U vyrašalnym pajadynku ciapierašniaha suśvietnaha pieršynstva dziejny čempijon płaniety, kamanda Kanady, sustreniecca sa zbornaj Šviecyi (pačatak u 21.45; pramaja tranślacyja na telekanale «Biełaruś 1»). Hod tamu ŭ Maskvie kanadcy pierajhrali ŭ finale finaŭ - 2: 0, zavajavaŭšy druhoje zapar i 26-je ŭ historyi zołata. Šviedskija chakieisty ŭ apošni raz byli čempijonami śvietu ŭ 2013 hodzie, a hodam paźniej stali ŭładalnikami bronzy.
