Na Viciebščynie siadzibu XIX stahodździa pradajuć za 23 rubli
Fota Dziny Makovič / radzima.org.
Na aŭkcyjon z pačatkovym koštam u 23 rubli vystaŭlena siadziba XIX stahodździa ŭ vioscy Arechaŭna Ušackaha rajona. Pra heta paviedamlaje sajt vitebsk.cc.
Spačatku administracyja rajonu planavała restaŭravać budynak siadziby, pabudavany ŭ 1840 hodzie i zrabić u im muzej tradycyjnych ramiostvaŭ i haścinny dvor. Paźniej siadzibu vystavili na aŭkcyjon z koštam u 41 000 eŭra. Ciapier jaje pradajuć z pačatkovym koštam u pamiery adnoj bazavaj vieličyni — za 23 rubli. Pakupniku daviadziecca jašče vypłacić 634 rubli 25 kapiejek adździełu idealahičnaj pracy, kultury i pa spravach moładzi Ušackaha rajvykankamu za padrychtoŭku abjektu da prodažu.
Taksama ŭłaśnik budzie abaviazany nie paźniej čym za dva hady adrestaŭravać budynak.
