Makiej: Nas šmat razoŭ padšturchoŭvali, kab my zrabili kančatkovy hieapalityčny vybar
U piatnicu 19 maja ŭ hateli Hilton adbyvajecca kanfierencyja «Minski dyjałoh», jakuju ładzić «Libieralny kłub». Na hety raz jana maje temaj «25 hadoŭ zamiežnaj palityki Biełarusi». Na sustreču byli zaprošanyja dziejny ministr zamiežnych spraŭ, a taksama ŭsie byłyja kiraŭniki viedamstva.
«25-hodździe zamiežnaj palityki — važnaja viecha, kab daviedacca, dzie my znachodzimsia? Źvieryć svaje płany na budučyniu. Chto my takija i kudy idziom?» — pačaŭ vystup Uładzimir Makiej.
«My pavinny adšturchoŭvacca ad intaresaŭ zachavańnia i raźvićcia našaj dziaržavy, ad nacyjanalnych intaresaŭ. Tut važnaje abjadnańnie palityčnych elitaŭ, a nie vybudoŭvańnie novych barjeraŭ, u tym liku pamiž hramadzianskaj supolnaściu i dziaržavaj», — adznačyŭ Uładzimir Makiej.
Hałoŭnaj zadačaj Biełarusi na siońniašni dzień ministr nazvaŭ «bolš ustojlivuju kanfihuracyju raźmierkavańnia našych ekspartnych patokaŭ». «Pamiž rynkami Jeŭrazijskaha ekanamičnaha sajuza, ES i dalokaj duhi». Asablivuju ŭvahu nadajuć apošniamu punktu, bo ź pieršymi ŭsio bolš stabilna i zrazumieła.
«My zachavali dobryja adnosiny z usimi susiedziami. Unosim svoj układ va ŭrehulavańnie kanfliktu na ŭschodzie Ukrainy. Nas nie raz padšturchoŭvali, kab my zrabili kančatkovy hieapalityčny vybar. Ale intaresy Biełarusi nie zamykajucca ŭ adnym kirunku. I heta nie słavutaje «siadzieńnie na dvuch kresłach», — miarkuje ministr zamiežnych spravaŭ.
