Kiraŭnikam i hałoŭbucham pradpryjemstvaŭ-daŭžnikoŭ mohuć abmiežavać vyjezd za miažu
Kiraŭnikam pradpryjemstvaŭ-daŭžnikoŭ mohuć abmiežavać vyjezd za miažu. Hetaja miera praduhledžanaja źmienami i dapaŭnieńniami ŭ zakon «Ab vykanaŭčaj vytvorčaści», jakija ŭstupili ŭ siłu z 16 maja, paviedamlaje Tut.by.
«U zakanadaŭstvie ab sudovych vykanaŭcach źjaviłasia navinka — sudovamu vykanaŭcu dali prava nie tolki aryštoŭvać majomaść daŭžnika — jurydyčnaj asoby, ale i abmiažoŭvać vyjezd za miažu», — skazaŭ siońnia na pres-kanfierencyi ŭ pres-centry Sputnik Biełaruś kiraŭničy partnior advakackaha biuro «Leŭ, Šarstnioŭ i partniory» Barys Leŭ.
Pa jaho słovach, da kiraŭnikoŭ pradpryjemstvaŭ, u tym liku i dziaržaŭnych, mohuć prymianić miery pa abmiežavańni ich u pravie vyjezdu za miažu, kali za arhanizacyjaj ličacca daŭhi. Ekśpiert pierakanany, što hetyja źmieny buduć stymulavać kiraŭnikoŭ pradpryjemstvaŭ-daŭžnikoŭ «vykonvać abaviazacielstvy naležnym čynam».
Partnior advakackaha biuro «Leŭ, Šarstnioŭ i partniory» Dzianis Šarstnioŭ udakładniŭ, što abmiežavać vyjezd za miažu mohuć jak dyrektaru pradpryjemstva, za jakim značycca zapazyčanaść, tak i hałoŭbuchu abo «inšamu orhanu, jaki kiruje kampanijaj abo pradpryjemstvam». «Tearetyčna možna kazać pra niejkuju radu dyrektaraŭ», — skazaŭ Dzianis Šarstnioŭ.
