ADNAK! zajaviła pra pieranos terminaŭ praviadzieńnia fiestyvalu
U hetym hodzie Fiestyval ADNAK! zajmieŭ šmat istotnych źmienaŭ, vyklikanych uklučeńniem u rejtynh kreatyŭnaści biełaruskich rekłamnych ahienctvaŭ AKMA i ARA. I kab adpaviadać jašče vyšej padniataj płancy, Arhkamitet vyrašyŭ parušyć šmathadovuju tradycyju abviaščeńnia Fiestyvalu ŭviesnu i pieranieści terminy praviadzieńnia Fiestyvalu ADNAK!
Bolš dakładnyja daty praviadzieńnia Fiestyvalu buduć vyznačanyja ŭ lipieni hetaha hoda.
«Uklučeńnie až u dva rejtynhi kreatyŭnaści, čaho my čakali daŭno, matyvuje nas rychtavać Fiestyval inačaj, čym u papiarednija hady. A heta zapatrabavała dadatkovaha času i vysiłkaŭ. I tamu, uzvažyŭšy ŭsie arhanizacyjnyja akaličnaści, my vyrašyli, što lepš parušyć šmathadovuju tradycyju abviaščeńnia Fiestyvalu ŭviesnu, čym zrabić jaho nie tak, jak nam bačycca ŭ hetym hodzie», — adznačyła sustaršynia Arhkamiteta Fiestyvalu, kaardynatar hramadskaj kulturnickaj kampanii «Budźma biełarusami!» Nina Šydłoŭskaja.
Nastupny Fiestyval ADNAK! projdzie ŭ abnoŭlenym farmacie.
Asnoŭnaje — usie naminacyi Fiestyvalu buduć padzialacca na 2 asobnyja błoki:
Kamiercyjny błok — kamiercyjnaja rekłama tavaraŭ i pasłuh,
Imidžavaja rekłama kampanij. Udzieł u naminacyjach hetaha błoku budzie płatnym.
Niekamiercyjny błok — sacyjalnaja rekłama, hramadskaznačnyja i biełarusaaryjentavanyja prajekty. Udzieł u naminacyjach hetaha błoku budzie pa-raniejšamu biaspłatnym.
Taksama budzie pracavać mienš składaŭ žury:
- Kreatyŭnaje žury
- Žury dyzajnu
- Digital-žury
- Žury sacyjalnaj rekłamy, hramadskaznačnych i biełarusaaryjentavanych prajektaŭ
Takija novaŭviadzieńni abumoŭlenyja prafiesijnym rostam Fiestyvalu, jaki za hady svajho isnavańnia pieratvaryŭsia ź miesca akumulavańnia śpiecyjalistaŭ rekłamnaha rynku, nieabyjakavych da biełaruskaj movy i kultury, u sapraŭdnuju tvorčuju łabaratoryju sa svaimi praviłami i ŭzroŭniem.
Pra inšyja navinki Fiestyvalu budzie paviedamlena dadatkova.