U Minsku mužčyna skraŭ mašynu, kab pakatać siabroŭku
Viartajučysia dadomu paśla pracy, 30-hadovy minčuk vyrašyŭ zrabić padarunak svajoj kachanaj — pakatać jaje na aŭtamabili, paviedamili ŭ Frunzienskim RUUS.
Hrošaj na arendu mašyny ŭ jaho nie było, tamu jon vyrašyŭ prajści ŭzdoŭž darohi pa vulicy Kuncaŭščyna i pašukać niezačynieny aŭtamabil. U toj viečar mužčynu «pašancavała» — la darohi stajaŭ adčynieny «VAZ-2106». Mašynu ŭdałosia zavieści, i paračka paśpieła pakatacca. Ale pa darozie nazad na parkoŭku mužčynu zatrymali supracoŭniki DAI i dastavili ŭ milicyju.
U dačynieńni da mužčyny raspačataja kryminalnaja sprava pa č. 2 art. 214 KK RB (Vykradańnie transpartnaha srodku abo małamiernaha pavietranaha sudna), što pahražaje jamu pakarańniem u vyhladzie pazbaŭleńnia voli na termin da 7 hadoŭ.
Raniej mužčyna pryciahvaŭsia da kryminalnaj adkaznaści za ŭčynieńnie kradziažu.