Łukašenka skazaŭ kiraŭniku Kitaja, što jon takoha mahutnaha vystupu nie čuŭ 20 hadoŭ
Alaksandr Łukašenka siońnia na sustrečy sa Staršynioj KNR Si Czińpinam va ŭradavaj rezidencyi «Diaojujtaj» padzialiŭsia ź im ŭražańniami ad udziełu ŭ forumie «Adzin pojas i adzin šlach».
«Pierš za ŭsio chaču adznačyć, što toje maštabnaje mierapryjemstva, jakoje vy praviali, zasłuhoŭvaje samaj surjoznaj uvahi. Hetaje mierapryjemstva ŭžo abmiarkoŭvajecca va ŭsim śviecie. Dumaju, što ŭsio jašče napieradzie. Heta vielmi mahutny krok, jaki vy zmahli zrabić, i samaje hałoŭnaje — pryciahnuć da hetaha bolš za 100 krain našaj płaniety. My hanarymsia tym, što byli pieršymi ŭ Jeŭropie i adnymi ź pieršych u śviecie, nie prosta jakija padtrymali ideju «adnaho pojasa i adnaho šlachu», a raspačali realizacyju hetaha maštabnaha prajekta na terytoryi Biełarusi», — skazaŭ Alaksandr Łukašenka.
Što da samoha mierapryjemstva, kiraŭnik dziaržavy raskazaŭ, što abmiarkoŭvaŭ jaho praviadzieńnie z pradstaŭnikami mnohich krain. «Samym jarkim i samym mahutnym (ja za 20 ź lišnim hadoŭ pracy prezidentam takoha nie bačyŭ) było vaša ustupnaje słova. My ŭziali heta vystupleńnie i praanalizujem jaho doma. Heta navuka dla luboha kiraŭnika dziaržavy. Heta byŭ maštabny i vielmi kankretny vystup, — padkreśliŭ jon. — Kažu nie dziela liślivaści. Heta sapraŭdy mierkavańnie nie tolki majo».
Łukašenka taksama adznačyŭ cikavuju formu praviadzieńnia mierapryjemstva i jaho maštabnaść, jarkuju prahramu dla ŭdzielnikaŭ i mahčymaść pravieści dvuchbakovyja pieramovy. «Nichto tut čas darma nie hublaŭ», — zajaviŭ jon
