U anhlijskaj škole sabralisia ŭvieści spadnicy dla chłopčykaŭ
U adnoj z pryvatnych škoł Łondana vučniam mužčynskaha połu płanujuć dazvolić našeńnie spadnic — u ramkach prahramy pa ŭviadzieńni hiendarna niejtralnaj uniformy. U škole tłumačać hetuju inicyjatyvu imknieńniem zraŭniać u pravach junakoŭ i dziaŭčat, jakim dazvolena nasić štany, piša VVS.
Fota: Wesley Allen
U škole Highgate, dzie płanujuć uvieści novuju formu, raniej zajaŭlali, što ŭsio bolš jaje vučniaŭ pačynaje sumniavacca va ŭłasnaj hiendarnaj identyčnaści. Siemiestr navučańnia ŭ škole abychodzicca ŭ sumu da 6790 funtaŭ sterlinhaŭ (8,7 tys. dalaraŭ).
Ciapier žanočy kamplekt školnaj uniformy składajecca z błuzki, pinžaka, halštuka pa žadańni, a taksama albo klatčastaj spadnicy, albo štanoŭ. U mužčynskim varyjancie formy praduhledžanyja tolki štany, i niekatoryja bačać u hetym prajavu nieraŭnapraŭja.
Akramia ŭniformaŭ dla abodvuch pałoŭ, u škole dumajuć ab tym, kab zrabić ahulnyja prybiralni i dazvolić dziaŭčatam zajmacca ŭ mužčynskich spartyŭnych siekcyjach.
Jak raspavioŭ u hutarcy z žurnalistami dyrektar škoły Adam Pietyt, uvieści novuju ŭniformu prasili sami vučni. Ciapierašniamu pakaleńniu moładzi čužoje dualistyčnaje ŭsprymańnie śvietu, charakternaje dla darosłych, kaža dyrektar.
«Jak i ŭsie astatnija škoły i mnohija moładzievyja arhanizacyi, my bačym, što ŭsio bolš i bolš maładych ludziej sumniajucca ŭ svajoj hiendarnaj identyčnaści», — raspaviadaje Pietyt.
«Takim čynam my daśledujem, jak naša palityka ŭ dačynieńni da ŭniformy moža być adaptavanaja jak dla tych, chto choča pryvodzić svajo adzieńnie ŭ adpaviednaść z połam, tak i dla tych, chto nie žadaje hetaha rabić», — dadaje dyrektar.
Pavodle aficyjnych danych, kolkaść padletkaŭ u Brytanii, jakija źviartajucca pa kansultacyi pa źmienie połu, u apošnija hady raście. Aktyvisty, jakija vystupajuć za hiendarnuju roŭnaść u padletkavym asiarodździ, raniej patrabavali ad škoł abaviazać nastaŭnikaŭ nie vykarystoŭvać u znosinach z vučniami frazy, jakija apielujuć da hiendaru, takija jak «budź mužykom».
U 2015 hodzie ŭ Brytanii padvoiłasia kolkaść padletkaŭ va ŭzroście da 18 hadoŭ, nakiravanych u adzinuju ŭ Anhlii kliniku, jakaja zajmajecca prablemami hiendarnaj identyfikacyi.
Na pryjom da śpiecyjalistaŭ lačebna-prafiłaktyčnaha centra Tavistock and Portman NHS Foundation Trust (jon znachodzicca ŭ łondanskaj balnicy Tavistock) letaś źviarnulisia amal 1400 čałaviek, pryčym dziaŭčat siarod ich było amal u dva razy bolš, čym chłopcaŭ.
