Tolki sonca i ciapło. U Biełarusi na tydni budzie pa-sapraŭdnamu majskaje nadvorje
Fota Julii Balcevič
Ź sierady i da kanca tydnia nadvorje budzie vyznačać antycykłon, a značyć, žycharoŭ Biełarusi čakaje małavobłačnaje, suchoje i cichaje nadvorje z pastupovym pavyšeńniem tempieraturaj.
Pra heta TUT.BY raspavioŭ načalnik słužby mietearałahičnych prahnozaŭ Hidramieta Minpryrody Dźmitryj Rabaŭ.
U aŭtorak, 16 maja, trochi paśviažeje, umovy nadvorja na terytoryi Biełarusi budzie vyznačać atmaśfierny front i pryniasie nočču i ranicaj na bolšuju častku terytoryi, a dniom pa paŭdniovym uschodzie karotkačasovyja daždžy, u asobnych rajonach navalnicy. Tempieratura nočču +6 + 12°S, u asobnych rajonach +2 +5°S; maksimalnaja dniom +11 + 17°S, u paŭdniova-zachodnich rajonach +18 — +21°S.
U sieradu, 17 maja, nočču +1 + 5°S, u asobnych rajonach pa poŭnačy zamarazki da 0 — -2°S; dniom +13 — +19°S, pa zachadzie da +21°S.
U čaćvier, 18 maja, nočču +2 — +7°S, dniom +13 — +19°S, pa zachadzie da +22°S.
U piatnicu, 19 maja, nočču +4 — +11°S, dniom +18 — +25°S.
U vychodnyja tempieratura pavietra prahrejecca ŭ zachodnich rajonach krainy da + 28°S.
U niadzielu čakajucca karotkačasovyja daždžy i navalnicy.
