U MZS KNDR dapuścili dyjałoh z ZŠA pry spryjalnych umovach
Kiraŭnik adździeła amierykanskich adnosin u MZS KNDR Čo Son Chu nie vyklučyła mahčymaść dyjałohu Pchieńjana i Vašynhtona, kali dla hetaha buduć stvoranyja spryjalnyja ŭmovy. Pra heta jana paviedamiła žurnalistam u aeraporcie Piekina, paviedamlajuć infarmahienctvy sa spasyłkaj na Yonhap.
«My praviadziem dyjałoh pry naležnych umovach», — pryvodzić ahienctva jaje słovy. Adznačajecca, što Čo Son Chu viartałasia ŭ Pchieńjan z Narviehii paśla sustrečy z hrupaj amierykanskich ekśpiertaŭ.
Jak raniej paviedamlała ahienctva Kyodo, prezident ZŠA Donald Tramp vykazvaŭ hatoŭnaść sustrecca ź lidaram KNDR Kim Čen Ynam, kali Pchieńjan admovicca ad svajoj rakietna-jadziernaj prahramy. Spasyłajučysia na daśviedčanyja dypłamatyčnyja krynicy, ahienctva padkreślivała, što adpaviednaja pazicyja administracyi ZŠA była ahučana Kitaju.
Novaja amierykanskaja administracyja ŭžo nieadnarazova ahučvała žorstkuju pazicyju ŭ dačynieńni da KNDR, padkreślivajučy, što «ŭsie varyjanty dziejańniaŭ, u tym liku vajenny, zastajucca na stale». Situacyja na Karejskim paŭvostravie abvastryłasia ŭ pačatku minułaha hoda, kali Pchieńjan pravioŭ jadziernaje vyprabavańnie i paźniej zapuściŭ balistyčnuju rakietu sa štučnym spadarožnikam Ziamli. U vieraśni 2016 hoda KNDR praviała jašče adno jadziernaje vyprabavańnie, a na praciahu hoda zrabiła bolš za 20 rakietnych puskaŭ.
U krasaviku KNDR zrabiła jašče niekalki rakietnych zapuskaŭ, apošni, 28 krasavika, byŭ zrobleny praź niekalki hadzin paśla zakančeńnia śpiecyjalnaha pasiadžeńnia Savieta Biaśpieki AAN, pryśviečanaha situacyi na Karejskim paŭvostravie.