Va Ukrainie junaka asudzili za prapahandu kamunizmu ŭ fejsbuku
Žychar Lvova pryznaŭ vinu i atrymaŭ adterminoŭku pakarańnia. Chłopiec na praciahu hoda vykładvaŭ u sacsietkach zabaronienyja ŭ siońniašniaj Ukrainie materyjały.
«Z metaj prapahandy kamunistyčnaj ideałohii, na praciahu maja 2015 — krasavika 2016 raspaŭsiudžvaŭ praz sacyjalnuju sietku «Facebook» fota i inšyja materyjały ź simvolikaj kamunistyčnaha režymu i ahulnaviadomymi łozunhami taho času, što kateharyčna zabaroniena zakonam Ukrainy «Ab asudžeńni kamunistyčnaha i nacyjanał-sacyjalistyčnaha (nacysckaha) tatalitarnych režymaŭ va Ukrainie i zabarona prapahandy ich simvoliki», — paviedamlaje prakuratura Lvoŭskaj vobłaści.
Uličvajučy, što junak pryznaŭ svaju vinu i sadziejničaŭ śledstvu, prakuraturaj zaklučana ź im pahadnieńnie ab pryznańni viny. U vyniku, sud vyrašyŭ pakarać chłopca terminam 2 hadoŭ 6 miesiacaŭ abmiežavańnia voli z vyprabavalnym terminam na 1 hod.
Nahadajem, što zakon, jaki asudžaje dziejnaść kamunistyčnaha i nacysckaha režymaŭ, a taksama ŭvodzić zabaronu na publičnaje vykarystańnie i prapahandu ich simvoliki byŭ pryniaty Viarchoŭnaj Radaj u krasaviku 2015 hoda. Maksimalnaje pakarańnie za parušeńnie zakona — 5 hadoŭ pazbaŭleńnia voli z kanfiskacyjaj majomaści.