Atrymaŭ piensiju, vypiŭ — uviečary ciahnikom adrezała hałavu
Za apošnija niekalki dzion zdaryłasia adrazu niekalki śmierciaŭ na čyhuncy.
8 maja kala 21.20 na čyhunačnaj stancyi ŭ Kobrynie adbyŭsia niaščasny vypadak. Dyziel-ciahnik nakiroŭvaŭsia pa maršrucie Łuniniec-Brest, mužčyna 1938 hoda naradžeńnia z rovaram u rukach pierasiakaŭ čyhunačnyja šlachi pa piešachodnym pierachodzie. Na hukavyja sihnały, jakija jamu padavaŭ mašynist, nie reahavaŭ i trapiŭ pad ciahnik.
Paciarpieły z adkrytaj čerapna-mazhavoj traŭmaj i šmatlikimi irvanymi ranami hałavy byŭ špitalizavany ŭ reanimacyjnaje adździaleńnie. Niahledziačy na namahańni lekaraŭ, vyratavać jaho žyćcio nie ŭdałosia. Jon pamior 9 maja.
Unačy 9 maja adbyłasia jašče adna trahiedyja. 64-hadovy žychar Jelska, što ŭ Homielskaj vobłaści, pierachodziŭ nočču čyhunačnyja šlachi. Pa infarmacyi partała gomel.today jamu adrezała hałavu.
Mašynist raspačaŭ ekstranaje tarmažeńnie, ale jano nie dapamahło paźbiehnuć najezdu. Było ŭstanoŭlena, što napiaredadni dziadula atrymaŭ piensiju i vypivaŭ ź siabram, a zatym pa niebiaśpiečnym učastku nakiravaŭsia dadomu.
10 maja ŭ Viciebsku zahinuŭ invalid pa słychu. 32-hadovy mužčyna trapiŭ pad nievialiki aŭtanomny łakamatyŭ (matavoz), jaki ruchaŭsia pa maršrucie Prudok-Viciebsk. Zdareńnie adbyłosia ŭdzień na čyhunačnym pierahonie.
