Zombi-chorar «1813» prezientujuć u Baranavičach i Breście
Finalisty premii «Debiut» prajeduć pa rehijonach.
12 maja prazaik Uładzimir Sadoŭski i pierakładčyca Siuzanna Paŭkšteła naviedajuć Baranavičy, a 13 maja — Brest.
U. Sadoŭski — inžynier, jaki piša prozu, S. Paŭkšteła — pierakładčyca ź litoŭskaja movy. Aboje aŭtary sioleta stali finalistami premii «Debiut» i atrymali zaachvočvalnyja pryzy.
Uładzimira Sadoŭskaha adznačyli za knihu «1813». Hetaja navieła — pieršy biełaruski zombi-chorar. Žanr, jaki daŭno raspaŭsiudžany za miažoj, pa-biełarusku nie raspracavany. Sadoŭski ŭziaŭ realnuju histaryčnuju asobu — Michała Kleafasa Ahinskaha, jakuju prymusiŭ zmahacca nie z carskimi sałdatami, a napaleonaŭskimi žaŭnierami-zombi. 1813 — heta hod, u jakim adbyvajucca padziei knihi.
Siuzannu Paŭkšteła adznačyli za pierakład ź litoŭskaj movy knihi «Boh daždžu» Alvidasa Šlapikasa.
«Boh daždžu» — heta kniha pra litoŭskuju pravincyju kanca 1990-ch. Mnohija byvajuć u Vilni, ale adzinki sutykajucca ź litoŭskimi vioskami i miastečkami. Znajści adroźnieńni i padabienstvy pamiž biełaruskimi i litoŭskimi śvietami i dapamoža kniha Šlapikasa.
U Baranavičach sustreča adbudziecca 12 maja ŭ kafe «U hości» (vuł. Smalenskaja, 12). Pačatak a 19.00. U Breście — 13 maja ŭ abłasnym krajaznaŭčym muziei (vuł. Marksa, 60), pačatak a 15.00.
Kožny naviednik atrymaje ŭ padarunak knihu.
Premija «Debiut» imia Maksima Bahdanoviča — litaraturnaja premija, zasnavanaja ŭ śniežni 2010 hoda Sajuzam biełaruskim piśmieńnikaŭ, Biełaruskim PEN-centram i miecenatam Paŭłam Padkarytavym (Bierahovičam). Z 2014 hoda da arhanizataraŭ «Debiutu» dałučyŭsia dabračynny fond «Viartańnie». Premija ŭručajecca ŭ troch naminacyjach, u jakich pracavaŭ Maksim Bahdanovič, — «Proza», «Paezija», «Mastacki pierakład». Łaŭreatami stanavilisia Andruś Horvat, Anatol Ivaščanka, Hanna Jankuta, Taćciana Niadbaj, Viktar Marcinovič, Vital Ryžkoŭ, Natalla Charytaniuk i inšyja.
