Minčukam, jakija žyvuć na płoščy Pieramohi, zabaranili ŭklučać śviatło ŭ kvaterach na čas śviatočnaha kancerta
U sacyjalnych sietkach źjaviłasia fota abjavy za podpisam administracyi Partyzanskaha rajona Minska, u jakim ad žycharoŭ stalicy patrabujuć vyklučyć śviatło padčas repietycyi i śviatočnaha kancertu 9 traŭnia.
«Na płoščy Pieramohi zapłanavany śviatočny kancert z udziełam najvyšejšych słužbovych asob Respubliki Biełarusi, — adznačajecca ŭ abjavie. — Z metaj pakazu tematyčnaha 3D-šou na fasadach budynkaŭ vam nieabchodna adklučyć śviatło ŭ kvaterach i ščylna zaštoryć vokny, jakija vychodziać na manumient, na čas praviadzieńnia repietycyi i kancerta: 7 traŭnia z 22 da 23 hadzin, 8 i 9 traŭnia z 21.30 da 23 hadzin».
Što budzie z tymi, chto ŭsio ž zapalić śviatło — nie ŭdakładniajecca.
9 traŭnia minčukoŭ čakajuć i inšyja abmiežavańni. Siońnia zabaroniena parkoŭka pa praśpiektach Mašerava, Niezaležnaści i Pieramožcaŭ, a taksama vulicach pablizu płoščy Pieramohi. Ad ranicy byŭ začynieny pieršy viestybiul st. m «Płošča Pieramohi», bo a 12-j da manumienta Pieramohi ŭskładaŭ kvietki Alaksandr Łukašenka.
