Ema Uotsan atrymała ŭznaharodu MTV za najlepšuju rolu
Brytanskaja aktrysa Ema Uotsan atrymała ŭznaharodu MTV Movie and TV Awards za rolu ŭ filmie «Pryhažunia i pačvara». U baraćbie za premiju ŭpieršyniu ŭ historyi cyrymonii ŭznaharod MTV brali ŭdzieł i mužčyny, i žančyny.
Akramia Uotsan, na ŭznaharodu pretendavali Chju Džekman, Džejms Makevoj, Denieł Kałuja, Chajle Stejnfiełd i inšyja. Premiju za najlepšuju rolu ŭ teleprajekcie atrymała Mili Bobi Braŭn za pracu ŭ sieryjale «Vielmi dziŭnyja spravy». Premiju ŭ tradycyjnaj dla MTV katehoryi «Najlepšy pacałunak» atrymała scena ź filma «Miesiacovaje śviatło» z udziełam akcioraŭ Eštana Sandersa i Džarełła Džieroma.
Najlepšaj karcinaj hoda pryznany film «Pryhažunia i pačvara», a sieryjałam - «Vielmi dziŭnyja spravy».
U 2017 hodzie premija MTV za dasiahnieńni ŭ kiniematohrafie ŭpieršyniu admoviłasia ad uručeńnia asobnych uznaharod za najlepšuju mužčynskuju i žanočuju roli. Zamiest hetaha na cyrymonii uznaharod źjavilisia dźvie katehoryi - za najlepšuju akciorskuju pracu ŭ kino i na telebačańni.
Bolšaść najbujniejšych kinapremij ciapier praduhledžvajuć asobnyja ŭznaharody lepšaha akcioru i lepšaj aktrysie.
