Makron paśla pieramohi na vybarach paabiacaŭ abaranić supolnuju budučyniu Francyi i Jeŭropy
Abrany prezident Francyi Emanuel Makron padčas vystupu pierad prychilnikami pierad Łuŭram uviečary ŭ niadzielu, 7 maja, zajaviŭ, što źbirajecca abaranić supolnuju budučyniu Francyi i Jeŭropy, Taksama jon paabiacaŭ zmahacca ź niaroŭnaściu i damahčysia taho, što ŭsia nacyja abjadnajecca i budzie abaroniena ad pahroz.
U pramovie jon taksama paprasiŭ prychilnikaŭ nia aśvistvać Maryn Le Pien, što prajhrała Makronu ŭ druhim tury prezidenckich vybaraŭ, i adznačyŭ, što ŭ bližejšyja piać hadoŭ pasprabuje dabicca taho, kab ludzi pierastali padtrymlivać radykalnyja palityčnyja siły.
«Siońnia pierad nami abjadnany narod Francyi. Uvieś śviet sočyć za nami, Jeŭropa i ŭvieś śviet. Ja budu słužyć vam ź luboŭju», - zajaviŭ Makron ŭ kancy pramovy.
Pavodle źviestak padliku praktyčna ŭsich padadzienych na vybarach prezidenta Francyi hałasoŭ, Emanuel Makron atrymaŭ padtrymku 66,06 pracenta vybarščykaŭ. Ekzit-poły pradkazvali pieramohu Makrona z 65 adsotkami.
39-hadovy Makron — samy małady prezident u historyi Francyi.
