U Minsku kiroŭca BMW na pierachodzie źbiŭ žančynu ź dziciem. Maci zahinuła, dačka žyvaja
Heta rezanansnaje DTZ prakamientavaŭ Tut.by aficyjny pradstaŭnik Śledčaha kamiteta Alaksiej Klimovič.
«7 maja kala 22 hadzin kiroŭca aŭtamabila BMW, ruchajučysia pa vulicy Sołtysa z boku Vaŭpšasava, ździejśniŭ najezd na žančynu z dačkoj, jakija pierachodzili pa rehulavanym pierachodzie na dazvalalny sihnał śviatłafora. Paśla čaho ŭrezaŭsia ŭ tralejbus, što stajaŭ u susiedniaj pałasie», - raspaviali ŭ SK.
U vyniku DTZ žančyna zahinuła na miescy. Jaje dačka, dvuchhadovaja dziaŭčynka, z traŭmami dastaŭlena ŭ balnicu, jaje žyćciu ničoha nie pahražaje.
Čaćviora mužčyn, jakija znachodzilisia ŭ sałonie, taksama špitalizavany.
Pa fakcie darožna-transpartnaha zdareńnia USK pa Minsku raspačata kryminalnaja sprava pa č. 2 art. 317 Kryminalnaha kodeksa Respubliki Biełarusi. Pryznačany šerah ekśpiertnych daśledavańniaŭ. Pravodzicca rasśledavańnie.
