AHP zaprašaje navieści paradak na miescy pachavańnia viaźniaŭ kancłahiera «Drazdy»
Subotnik pačniecca 9 maja ŭ 11.30. U 12.30 — uskładańnie kvietak da pamiatnaha kamienia.
U akcyi voźmuć udzieł lidary, aktyvisty i vałanciory AHP, BCHD i Ruchu «Za svabodu».
Kab trapić na miesca, treba jechać da kanca vulicy Navavilenskaj da domu №48 — STA. Dalej ruchacca ŭzdoŭž haražoŭ. Kali pa pravym baku darohi haražy skončacca i pačniecca pole, treba paviarnuć naprava. Dalej iści prosta pa hruntoŭcy (źleva budzie pole, sprava — vajskovaja čaść z antenami), pakul nie ŭbačycie placoŭku.
* * *
Kancentracyjny łahier «Drazdy» — adzin ź pieršych u Biełarusi łahieraŭ śmierci časoŭ nacysckaj akupacyi. Byŭ arhanizavany nacystami ŭ lipieni 1941 hoda pablizu vioski Drazdy, za 2-3 km ad Minska, na terytoryi saŭhasa imia Krupskaj.
U łahiery znachodziłasia pryblizna 100 tysiač vajennapałonnych i 40 tysiač hramadzianskich.
U 1996 hodzie pablizu pachavańnia achviaraŭ rasstrełaŭ była ŭstalavanaja pamiatnaja plita: «Tut u lipieni 1941 h. niamiecka-fašysckija akupanty rasstralali viaźniaŭ kancłahiera «Drazdy»: vajennapałonnych, mirnych žycharoŭ h. Minska i navakolnych viosak (kala 10 tysiač čałaviek). Naščadki pamiatajuć pra vas».