Tysiačy palakaŭ pratestujuć suprać kansiervatyŭnaha ŭrada
U «Maršy za svabodu», jaki prajšoŭ 6 traŭnia ŭ centry Varšavy, pavodle dadzienych arhanizataraŭ, udzielničali 50 tysiač čałaviek, palicyja paviedamiła pra 9 tysiač udzielnikaŭ.
Tysiačy palakaŭ vystupili z pratestam suprać urada, sfarmavanaha nacyjanał-kansiervatyŭnaj partyjaj «Zakon i spraviadlivaść», paviedamlaje DW. U subotu, 6 maja, u centry Varšavy adbyłasia akcyja pratestu «Marš za svabodu», arhanizavanaja najbujniejšaj apazicyjnaj partyjaj «Hramadzianskaja płatforma».
«My nie dazvolim adabrać u nas našu svabodu», — zajaviŭ staršynia partyi, były ministr zamiežnych spraŭ Polščy Hžehaž Schiecina. Pavodle jaho słoŭ, partyja zmahajecca za demakratyčnuju i jeŭrapiejskuju Polšču. Akramia taho, «Hramadzianskaja płatforma» vystupaje za zachavańnie pryncypu padziełu roznych halin ułady i niezaležnuju justycyju.
Krytyki polskich uładaŭ papiaredžvajuć pra aŭtarytarnyja tendencyi ŭ krainie. U pryvatnaści, jany pakazvajuć na toje, što prezident Andžej Duda zajaviŭ pra namier pravieści ŭ 2018 hodzie refierendum ab źmienie kanstytucyi, a taksama na niadaŭnija reformy justycyi i ŚMI.
Miž tym staršynia partyi «Zakon i spraviadlivaść» Jarasłaŭ Kačyński nie pryznaŭ abvinavačańni apazicyi. «U nas demakratyja. U kožnaha jość prava na svajo mierkavańnie, kožny moža vychodzić na demanstracyi, vybirać, kaho jon choča i pisać, što jon choča», — zajaviŭ jon.