Cikavaść biełarusaŭ da kupli valuty ŭ krasaviku prykmietna asłabieła
Biełarusy ŭ krasaviku źnizili kuplu najaŭnaj valuty na 12,9% - da minimalnaha ŭzroŭniu ź lipienia minułaha hoda, 312 młn dalaraŭ, abjom prodažu valuty taksama źniziŭsia — na 5,2% u paraŭnańni ź minułym miesiacam — da 570,7 młn dalaraŭ najaŭnymi. Pry hetym užo piatnaccać miesiacaŭ nasielnictva zastajecca čystym pradaŭcom najaŭnaj valuty, paviedamlaje pres-słužba Nacbanka Biełarusi.
Za ŭvieś minuły hod biełarusy pradali najaŭnymi na čystaj asnovie 2,441 młrd dalaraŭ u ekvivalencie, paspryjaŭšy prykmietnamu pavieličeńniu zołatavalutnych reziervaŭ.
Abjom čystaha prodažu najaŭnaj valuty ŭ krasaviku apynuŭsia maksimalnym ź vieraśnia minułaha hoda, skłaŭšy 258,7 młn dalaraŭ. U paraŭnańni z sakavikom pryrost skłaŭ 6,2%.
Za čatyry miesiacy 2017 hoda biełarusy kupili najaŭnymi 1,322 młrd dalaraŭ, pradali - 2,180 młrd dalaraŭ. Čysty prodaž skłaŭ 858 młn dalaraŭ. Z ulikam kupli-prodažu bieznajaŭnaj valuty čysty prodaž skłaŭ 716 młn dalaraŭ.
