U Minsku pasažyr maršrutki aślep na adno voka paśla svarki ź inšym pasažyram
Pasažyr maršrutki straciŭ zrok na adno voka paśla svarki sa spadarožnikam, paviedamili karespandentu ahienctva «Minsk-Naviny» u Frunzienskim RUUS.
— Kanflikt pamiž dvuma mužčynami adbyŭsia ŭ maršrutcy ŭviečary 23 krasavika. Nie vyśvietliŭšy da kanca adnosiny ŭ transparcie, jany vyjšli na prypynku i praciahnuli sprečku. Kali ŭ adnaho z apanientaŭ skončylisia arhumienty, u chod pajšli kułaki. Dla adnaho z mužčyn prapuščany ŭdar zakončyŭsia ciažkim paškodžańniem: jon pazbaviŭsia zroku na adno voka, — raspaviała aficyjny pradstaŭnik Frunzienskaha RUUS Natalla Askirka.
Mienš čym za sutki supracoŭnikam kryminalnaha vyšuku ŭdałosia zatrymać padazravanaha ŭ ździajśnieńni złačynstva. Im akazaŭsia 30-hadovy biespracoŭny, raniej nie sudzimy minčanin. U dačynieńni da jaho raspačata kryminalnaja sprava pa č. 1 art. 147 KK Respubliki Biełaruś («Naŭmysnaje pryčynieńnie ciažkaha cialesnaha paškodžańnia»).