Repiera Chaski i jaho zdymačnuju hrupu abstralali pad Maskvoj
Rasijski repier Chaski (Dźmitryj Kuźniacoŭ) i ŭdzielniki jaho kalektyvu stali achviarami napadu pjanych chulihanaŭ u Padmaskoŭi, paviedamlaje Ren.tv.
Incydent adbyŭsia pozna ŭviečary 1 maja ŭ Čyhunačnym, dzie Kuźniacoŭ zdymaŭ svoj novy klip. Zdymki pravodzilisia ŭ zakinutym budynku špitala ŭ mikrarajonie Olhina.
Pakul častka zdymačnaj hrupy pracavała na adnym paviersie budynka, dvoje ŭdzielnikaŭ kalektyvu zastavalisia pobač sa składzienymi rečami kalehaŭ. U hety momant da ich padyšli troje niećviarozych mužčyn. Jany z chodu pacikavilisia, što maładyja ludzi robiać u zakinutym budynku, na što atrymali adkaz — my tut pracujem, nie pieraškadžajcie. Zatym mužčyny, jak pieradaje RenTV, «stali čaplacca da słoŭ, nalacieli na muzykaŭ i stali nanosić im udary nahami».
Adzin z udzielnikaŭ zdymak straciŭ prytomnaść. Kali da miesca padaśpieli inšyja ŭdzielniki zdymačnaj hrupy, napadniki vychapili zbroju i adkryli ahoń pa ludziach.
U vyniku napadu piaciarych čałaviek, u tym liku i samoha Kuźniacova, dastavili ŭ Centralnuju rajonnuju balnicu Čyhunačnaha. Čaćviora ź ich atrymali ahniastrelnyja ranieńni, jašče adzin surjoznaje strasieńnie mozhu ad udaraŭ nahami i rukajatkaj pistaleta pa hałavie.