Tramp adkazaŭ na zajavy Klintan pra vinavatych u jaje parazie na vybarach
Amierykanski prezident Donald Tramp nazvaŭ zajavy eks-udzielnicy prezidenckaj honki ŭ ZŠA Chiłary Klintan pra toje, što ŭ jaje projhryšy ŭ 2016 hodzie byli vinavatyja «rasijskija chakiery» i «dziejańni kiraŭnika FBR Džejmsa Komi», «sprobaj apraŭdać svaju parazu na hałasavańni».
Ab hetym kiraŭnik ZŠA napisaŭ na svajoj staroncy ŭ tvitary.
«Dyrektar FBR [Džejms] Komi byŭ najlepšym čałaviekam, jaki kali-niebudź sustrakaŭsia na šlachu Chiłary Klintan u tym płanie, što jon daŭ joj volu ździajśniać mnohija drennyja spravy!» — zajaviŭ Tramp.
FBI Director Comey was the best thing that ever happened to Hillary Clinton in that he gave her a free pass for many bad deeds! The phony...
«Falšyvaja historyja pra Trampa i Rasiju była tolki apraŭdańniem, jakoje demakraty vykarystoŭvali, kab rastłumačyć svoj projhryš na vybarach», — taksama dadaŭ palityk, zadaŭšysia pytańniem, «ci mahčyma», što ŭ suviazi z hetym, «Tramp pravioŭ vydatnuju kampaniju».
Raniej, 2 maja, Chiłary Klintan abvinavaciła ŭ svajoj parazie ŭ prezidenckaj honcy 2016 hoda «ŭmiašańnie rasijskich chakieraŭ», a taksama dziejańni Komi, jaki pieradaŭ 28 kastryčnika kanhresu list ab praviadzieńni novaha rasśledavańnia ab pierapiscy palityka, datavanaha jašče tym pieryjadam, kali Klintan była dziaržsakratarom ZŠA.
Poŭnuju asabistuju adkaznaść za svaju parazu, jak padkreśliła eks-kandydat u prezidenty Štataŭ, jana biare na siabie, adnak tłumačyć jaje «padziejami apošnich 10 dzion» pierad vybarami.
«Kali b vybary adbylisia 27 kastryčnika, ja była b vašym prezidentam», — zajaviła Klintan, adznačyŭšy taksama, što nie vyklučaje, što jaje pieramozie pieraškodziła žančynanienaviśnictva. «Tak, ja miarkuju, heta adyhrała rolu», — adkazała jana na adpaviednaje pytańnie.
