Namieśnikam staršyni Baranavickaha suda zajmaŭsia KDB?
Čytačy «Našaj Nivy» paviedamili, što namieśnik staršyni Baranavickaha haradskoha i rajonnaha suda Vasil Pietryŭ datyčny da karupcyjnaj spravy, rasśledavańniem jakoj zajmajecca KDB.
Pavodle našych źviestak, Pietryŭ zatrymlivaŭsia apieratyŭnikami KDB, paśla dopytaŭ byŭ vyzvaleny.
Pietryŭ niadaŭna syšoŭ z vysokaj pasady «pa ŭłasnym žadańni» — papiarednie, heta adbyłosia akurat paśla zatrymańnia.
U razmovie z žurnalistam «Našaj Nivie» eks-sudździa admoviŭsia ad kamientaroŭ.
«Darujcie, ničoha kazać nie budu. Čamu syšoŭ? U suviazi z vychadam u adstaŭku. A kali niedzie čuli inšaje, to ŭ ich i spytajcie», — skazaŭ Vasil Pietryŭ.
Na pytańnie, ci mieła miesca — a kali mieła, to čamu — zatrymańnie supracoŭnikami KDB, jon paraiŭ udakładnić niepasredna ŭ KDB.
Pres-słužba KDB pakul nie adkazała na zapyt «Našaj Nivy» što da hetaj situacyi.
U Baranavickim sudzie Pietryŭ pracavaŭ z 1989 hodu, kali pryjšoŭ tudy pa raźmierkavańni ź jurfaka.
Bujnych skandałaŭ za im nie było — chiba što ŭ 2014 hodzie jon aštrafavaŭ miascovaha pravaabaroncu Siaržuka Hoŭšu za «łajanku» padčas nazirańnia za miascovymi vybarami, chacia Hoŭša vioŭ niaspynny aŭdyjozapis padziej taho dnia i pradjaviŭ jaho ŭ jakaści śviedčańnia, što nijakaj łajanki nie było.
