Baćku minskaha stryt-arta Aleha Łaryčava pasadzili na sutki za «razmachvańnie rukami»
U sudzie Centralnaha rajona Minska 28 krasavika razhladzieli «spravu» kuratara hrafici-prajektaŭ Aleha Łaryčava.
Łaryčava, jakoha zatrymali jašče 26 krasavika, abvinavacili ŭ drobnym chulihanstvie: «łajaŭsia matam, razmachvaŭ rukami».
Aleh prasiŭ u sudździ, kab da spravy dałučyli zapis ź videarehistrataraŭ amapaŭcaŭ, jakija zatrymlivali jaho. Ale ž na pačatku pasiadžeńnia taja začytała daviedku ad milicyi. Zhodna ź joj, videa pahladzieć niemahčyma, bo rehistratary nie pracavali — u ich nibyta sieli batarei.
Tradycyjna śviedkami byli dvoje amapaŭcaŭ, jakija zatrymali Łaryčava
Amapaŭcy-śviedki byli dapytanyja na papiarednim pasiadžeńni, 27 krasavika. Tamu paśla nievialikaha pierapynku sudździa Viktoryja Šabunia adrazu ahučyła vyrak. Jana prysudziła Łaryčavu 5 sutak.
