Da navapołackaha pradprymalnika prychodzili ź pieratrusam za abrazu Łukašenki
U połackaha aktyvista Hienadzia Bierdzienieva kanfiskavali planšet, kab spraŭdzić, ci abražaŭ jon Łukašenku.
Paśla 20-j viečara 24 krasavika ŭ kvateru da aktyvista, adnaho ź lidaraŭ pradprymalnickaha ruchu Hienadzia Bierdzienieva pryjšli pradstaŭniki Śledčaha kamitetu. Patłumačyli, što buduć šukać prykmiety parušeńnia artykułu 368 Kryminalnaha Kodeksu, jaki praduhledžvaje adkaznaść za abrazu prezydenta.
Jak patłumačyŭ Hienadź Bierdzienieŭ, pieratrus spravakavaŭ asabisty danos jahonaha kalehi, heta jamu paćvierdzili milicyjanty, jakija pravodzili pieratrus:
«Navapołacki pradprymalnik Siarhiej K. nazvaŭ mianie «stukačom». A ja — jaho. Toj vyrašyŭ nia strymlivacca ŭ słovach i napisaŭ na mianie zajavu — što, maŭlaŭ, ja abraziŭ jaho. I taksama — što abražaju u sacyjalnych sietkach Alaksandra Łukašenku».
