IKEA tonka parahatała z darahoha italjanskaha brenda, jaki taksama vypuściŭ «błakitnuju valizku z ručkami» FOTY
Niadaŭna viadomy italjanski brend Balenciaga vypuściŭ nie ścipła darahuju valizku-šopier koštam 2145 dalaraŭ. Karystalniki interneta adrazu znajšli vizualnyja padabienstvy z bolš tannym aryhinałam. Śmiech śmiecham, ale samaje cikavaje zdaryłasia ŭčora.
Valizka Balenciaga ŭ anłajn-kramie.
Učora šviedskaja kreatyŭnaja ahiencyja ACNE, pa zamovie IKIEA, zapuściła rekłamnuju kampaniju, u jakoj adkazała darahomu italjanskamu brendu, što jany vypuścili «darahuju padrobku» lehiendarnaj «ikiejeŭskaj» valizki Frakta, košt jakoj składaje 0.99 dalara. Ahiencyja prapanuje pakupnikam nie tracić darma hrošy na darahuju padrobku i karystacca tannym aryhinałam. Taksama kampanija prapanuje niekalki paradaŭ, jak možna adroźnić niedarahi aryhinał IKIEA ad darahoj Balenciaga. Kali koratka, to praviły takija: valizku Frakta možna kamiečyć i składać, pry hetym jana pavinna «chrumścieć», valizku možna kidać u brud, jana multyfunkcyjanalnaja i jaje košt vyklučna 0.99 dalara.
