Apošni ŭ śviecie bieły nasaroh šukaje vyratavańnia na servisie znajomstvaŭ
U apošniaha ŭ śviecie biełaha nasaroha, jakoha kličuć Sudan, źjaviŭsia profil u servisie znajomstvaŭ Tinder, paviedamlajuć infarmahienctvy.
U apisańni hetaha niezvyčajnaha profilu majecca podpis: «Los majho vidu zaležyć tolki ad mianie».
Sudan žyvie ŭ adnym z zapaviednikaŭ Kienii. U jaho profili napisana, što jon lubić travu i valacca ŭ hrazi. Taksama tam apisanyja i źniešnija danyja apošniaha ŭ śviecie samca hetaha vidu: jaho rost składaje 180 sm, a vaha — kala 2 ton.
Dadzieny vid praktyčna źnik z-za niezakonnaj dziejnaści brakańjeraŭ. Ciapier u śviecie jość tolki try pradstaŭniki: Sudan i jašče dźvie samki. Adnak z-za staraści samiec nie moža pieramahčy samku ŭ bai, a biez hetaha jana admovicca ź im sparvacca.
Profil u Tinder byŭ stvorany dla taho, kab sabrać hrašovyja srodki, jakija pojduć na ažyćciaŭleńnie štučnaha apładnieńnia. Heta dapamahło b vyratavać vymirajučy vid paŭnočnych biełych nasarohaŭ.