Siońnia ŭpieršyniu adznačajecca Suśvietny dzień pamiaci ab čarnobylskaj katastrofie
26 krasavika ŭpieršyniu adznačajecca Suśvietny dzień pamiaci ab čarnobylskaj katastrofie. Jon zaklikany słužyć napaminam pra achviar katastrofy, pra niebiaśpieku jadziernych avaryj i nieabchodnaść umacavańnia mižnarodnaha supracoŭnictva pa źmiakčeńni doŭhaterminovych nastupstvaŭ avaryi na ČAES, paviedamlaje Centr navin AAN.
26 krasavika 1986 hoda adbyŭsia vybuch na Čarnobylskaj AES. Radyjacyjnaje zabrudžańnie pašyryłasia na značnyja ŭčastki terytoryi Savieckaha Sajuza, jakija ŭ ciapierašni čas uvachodziać u skład Biełarusi, Ukrainy i Rasijskaj Fiederacyi. Uździejańniu radyjacyi padvierhlisia amal 8,4 młn čałaviek u troch paciarpiełych krainach.
Rezalucyja Hienieralnaj asamblei, pryniataja ŭ śniežni minułaha hoda, abviaščaje: «U metach pavyšeńnia daśviedčanaści ab doŭhačasovych nastupstvach čarnobylskaj katastrofy abviaścić 26 krasavika Mižnarodnym dniom pamiaci ab čarnobylskaj katastrofie, jaki budzie adznačacca štohod pačynajučy z 2017 hoda». Hety dzień prapanavana adznačać usim dziaržavam-siabram, adpaviednym ustanovam sistemy AAN i inšym mižnarodnym arhanizacyjam, a taksama hramadzianskaj supolnaści.
