Łukašenka i Parašenka pryniali sumiesnuju zajavu ab likvidacyi nastupstvaŭ avaryi na ČAES
Alaksandr Łukašenka i prezident Ukrainy Piatro Parašenka siońnia pa vynikach pieramoŭ pryniali sumiesnuju zajavu ab nieabchodnaści praciahvać rabotu pa likvidacyi nastupstvaŭ avaryi na Čarnobylskaj AES. Pra heta hetym kiraŭnik biełaruskaj dziaržavy zajaviŭ na sustrečy z pradstaŭnikami ŚMI pa vynikach pieramoŭ z ukrainskim kaleham, pieradaje BIEŁTA.
Alaksandr Łukašenka padkreśliŭ, što ŭ hetym napramku treba pravieści jašče vialikuju rabotu, niahledziačy na toje, što baki ŭžo zrabili šmat što. Pry hetym važna iści naha ŭ nahu i pryciahvać da hetaj prablematyki hramadskuju ŭvahu ŭsioj płaniety. «My pryniali adpaviednuju zajavu», — skazaŭ jon.
U svaju čarhu Parašenka adznačyŭ, što Biełaruś i Ukraina naładzili efiektyŭnaje supracoŭnictva ŭ rabocie pa likvidacyi nastupstvaŭ avaryi na ČAES. Tak budzie i ŭ dalejšym, asabliva z ulikam budaŭnictva ŭ Biełarusi ŭłasnaj atamnaj stancyi. «Siońnia adbyŭsia važny dyjałoh, jaki datyčycca biaśpieki jadziernych abjektaŭ, mahčymaha supracoŭnictva ŭ ekspłuatacyi, budaŭnictvie, abychodžańni ź jadziernymi adchodami. My damovilisia praciahnuć vielmi važnuju dyskusiju na ŭzajemavyhadnaj asnovie», — źviarnuŭ uvahu jon.
Sustreča kiraŭnikoŭ dziaržaŭ adbyłasia ŭ sumny dzień dla biełaruskaha i ŭkrainskaha narodaŭ — u čarhovuju hadavinu avaryi na ČAES. Nastupstvy katastrofy da hetaha času adčuvajuć na sabie žychary abiedźviuch krain.
Prezidenty naviedali siońnia atamnuju stancyju, aznajomilisia z budaŭnictvam novych ukryćciaŭ i zachoŭvańniem jadziernaha paliva. Na ČAES, a taksama na terytoryi Biełarusi Łukašenka i Parašenka ŭšanavali pamiać zahinułych pry likvidacyi avaryi.