EHU nie zmoh pryznačyć rektara
Pra heta paviedamlaje sajt navučalnaj ustanovy
Konkurs na pasadu rektara Jeŭrapiejskaha humanitarnaha ŭniviersiteta ŭ Vilni byŭ publična abvieščany 22 listapada 2016 hoda. Mižnarodny konkurs ažyćciaŭlaŭsia pry padtrymcy kansałtynhavaha ahienctva «Mercuri Urval» u Bruseli dy pad ehidaj Šviedskaha ahienctva mižnarodnaha supracoŭnictva ŭ halinie raźvićcia.
7 sakavika padčas vočnaj sustrečy ŭ Vilni čalcy Kamiteta pa adbory praviali sumoŭi z tryma z 29 kandydataŭ, jakija padali zajaŭki. Adzin z pretendentaŭ byŭ adabrany ŭ jakaści finalnaha kandydata i ź im byli raspačatyja pieramovy, adnak damova nie była zaklučana pa zhodzie bakoŭ.
Kamitet pa adbory pryjšoŭ da vysnovy, što na biahučym etapie nivodzin adpaviedny kandydat nie moža być pryznačany na pasadu rektara. Kamitet pa adbory rekamiendavaŭ Ahulnamu schodu suzasnavalnikaŭ i Kiraŭničaj radzie pieranieści praviadzieńnie Konkursu na druhuju pałovu 2017 hoda, adznačajecca ŭ paviedamleńni.
Časovy vykanaŭca abaviazkaŭ Rektara Jorhien Jorhiensen pahadziŭsia praciahnuć pracu na svajoj pasadzie da kanca 2017 hoda.
