Łateks, čornaja skura i bizuny: u Hrodnie prajšła skandalnaja viečaryna ŭ BDSM-estetycy FOTY
Viečarynka ŭ estetycy BDSM prajšła ŭ hrodzienskim kłubie «Afryka». Napiaredadni viečaryny ŭ sacsietkach razharnułasia palemika: niechta kazaŭ pra raspaŭsiud parnahrafii, inšyja — pra kaściumavanaje šou.
Jak paviedamlaje Hrodna.life, vypadkovamu naviedvalniku trapić na viečarynu było niemahčyma, na ŭvachodzie ŭsich čakaŭ žorstki dres-kod i fejskantrol — u kłub prapuskali tolki ŭ adpaviednych kaściumach
«Loshadka Rarty — heta nie BDSM-viečaryna. Kali ŭ vobrazach haściej pradstaŭleny kaściumy i atrybutyka hetaj kultury, to tolki z-za jaje asablivaj estetyki i pryhažości. Kaściumy sa skury i łateksu dadajuć pikantnaści praktyčna ŭ lubuju vyjavu», — raspavioŭ adzin z arhanizataraŭ viečaryny.
Jon padkreśliŭ, što Loshadka Rarty — heta svajho rodu pratest suprać štodzionnaści: «Heta impreza i śpiektakl, dzie kožny moža raspranucca i ahalić svaju naturu, dać volu svaim tajemnym fantazijam i pahulacca na miažy dazvolenaha i zabaronienaha».
Na padrychtoŭku viečarynka syšło dva miesiacy: šylisia śpiecyjalnyja kaściumy, repietavalisia tancavalnyja numary, absłuhoŭvajučy piersanał prachodziŭ śpiecyjalnyja treninhi, rychtavałasia pamiaškańnie i proma-materyjały.
Arhanizatary viečaryny ličać, što načnoje kłubnaje žyćcio ŭ Hrodnie dehraduje, uładalniki ŭstanoŭ nie chočuć ci nie mohuć prapanavać novyja farmaty zabaŭ, a standartny nabor z dydžejem i go-go ŭžo nie zdolny sabrać aŭdytoryju.
«Horadu patrebny novy farmat mierapryjemstvaŭ. I kali my chočam, kab u nas była kłubnaja kultura, tady jana maje patrebu ŭ poŭnaj pierazahruzcy», — miarkujuć arhanizatary Loshadka party.
Jany kažuć ab paśpiachovaści mierapryjemstva, bo ŭžo atrymali niekalki prapanoŭ pravieści anałahičnyja viečarynki ŭ minskich kłubach.