Dajvier źniaŭ na VIDEA ziemlatrus la ŭźbiarežža Filipin
Hrupa turystaŭ prachodziła kurs navučańnia techničnamu dajvinhu la ŭźbiarežža Filipin, kali na hłybini prykładna 18—20 mietraŭ jany apynulisia ŭ zonie dziejańnia ziemlatrusu. Pa słovach apieratara, marskoje dno raptam pačało chadzić uvierch-uniz, źmianiŭsia cisk, a z dna padniaŭsia piasok.
Padčas incydentu nichto nie paciarpieŭ. Mahnituda hetaha ziemlatrusu aceńvajecca prykładna ŭ 5,6 pa škale Rychtera. Jaho paličyli afteršokam bolš mahutnaha ziemlatrusu, jaki naziraŭsia la bierahoŭ Filipin jašče na pačatku krasavika.
Filipiny lažać uzdoŭž Cichaakijanskaha vułkaničnaha vohniennaha kalca, što źjaŭlajecca pryčynaj siejśmičnaj i vułkaničnaj aktyŭnaści. Vialikaja kolkaść ziemlatrusaŭ małoj vieličyni adbyvajecca tut rehularna u vyniku sustrečy bujnych tektaničnych plit u rehijonie.
