Minlashas usio-tki puściŭ babroŭ na kaŭbasu: u pieršaj partyi — try vidy
Tolki z babra, z aleninaj i z dadatkam miasa dzikaj kački — uvieś hety nabor-žachlivy son «zialonych» možna budzie pradehustavać užo 27 krasavika padčas vystavy «Palavańnie i rybałoŭstva. Viasna-2017».
Kaŭbasu naŭmysna rabili syravendžanaj, kab, pa słovach načalnika adździeła palaŭničaj haspadarki Minlashasa Siarhieja Šastakova, jana zachavała ŭ sabie maksimum karysnych ŭłaścivaściaŭ. Kolkaść śpiecyj u navincy budzie minimalnaj.
Kolki budzie kaštavać taki pradukt, pakul nie paviedamlajuć, bo vypuścili tolki probnuju partyju na teściravańnie. U ministerstvie spadziajucca, što nievialikija rajonnyja pradpryjemstvy, što zajmajucca miasam, z zadavalnieńniem voźmuć babroŭ na pierapracoŭku, bo heta «ekskluziŭny i pierśpiektyŭny zaniatak».
Nahadajem, šmat biełarusaŭ byli suprać taho, kab žyviolinu vykarystoŭvali ŭ jakaści ježy. Aktyvisty navat stvaryli adpaviednuju pietycyju, pad jakoj padpisalisia bolš za 130 tysiač čałaviek. Ale jana zastałasia niezaŭvažnaj.
Čytajcie taksama: Jak biełarusy sprabujuć zrabić krainu lepšaj: top-10 papularnych anłajn-pietycyj
