Fotakonkurs da Tydnia Šviecyi ŭ Biełarusi
Pasolstva Šviecyi ŭ Respublicy Biełaruś zaprašaje pryniać udzieł u fotakonkursie prafiesijnych fatohrafaŭ, fotaamataraŭ i ŭsich tych, chto lubić, naviedvaŭ ci maryć naviedać Šviecyju.
Prajekt prymierkavany da Tydnia Šviecyi, jaki projdzie z 29 traŭnia pa 3 červienia 2017 hoda. Uračystaje ŭznaharodžańnie pieramožcaŭ adbudziecca ŭ ramkach Dnia Šviecyi 3 červienia 2017 hoda. Fotakonkurs pravodzicca pry padtrymcy Biełaruskaha hramadskaha abjadnańnia fatohrafaŭ.
Temy konkursu
«Šviecyja vačyma biełarusaŭ»
Heta tema dla tych, kamu paščaściła pabyvać u Šviecyi. Nam cikava daviedacca, jak Šviecyju bačać biełarusy. U ramkach katehoryi prymajucca fotazdymki, zroblenyja niepasredna na terytoryi Šviecyi biez terminu daŭnaści.
«Šviecyja ŭ Biełarusi«
Navat kali vam nie daviałosia byvać u Šviecyi, to napeŭna vy možacie znajści čaścinku hetaj krainy ŭ Biełarusi. Što heta moža być? Kultura, mastactva, biźnies, tavary, sport. Demanstrujcie svaju fantaziju, tvorčaść dy kreatyŭnaść! Dla hetaj katehoryi zdymki pavinny być zrobleny na terytoryi Biełarusi.
Terminy praviadzieńnia konkursu
Fotaraboty prymajucca da 14 traŭnia 2017 hoda ŭklučna.
Umovy ŭdziełu ŭ konkursie
Da ŭdziełu ŭ konkursie prymajucca fotaraboty jak prafiesijnych fatohrafaŭ, tak i fotaamataraŭ.
Fatohraf pavinien źjaŭlacca aŭtaram fotamateryjału, padadzienaha na konkurs. Dasłanyja na konkurs raboty mohuć być vykarystany arhanizatarami konkursu dla publikacyi ŭ drukavanym ci elektronnym vyhladzie biez vypłaty jakich-niebudź materyjalnych uznaharod i biez uzhadnieńnia z aŭtaram. Dasyłajučy fotazdymki, aŭtar pahadžajecca z umovami dadzienaha konkursu.
Techničnyja paramietry
Kolkaść rabot ad adnaho aŭtara: da 3-ch paasobnych zdymkaŭ i/abo 1 sieryja (kolkaść fotazdymkaŭ u sieryi — nie bolš za 5) dla kožnaj naminacyi
Farmat fajła: jpeg
Pamier fota: 1400 piksielaŭ pa doŭhim boku, abjom fajła - nie bolš za 1 Mb. U tym vypadku, kali vaša rabota budzie adabranaja ŭ Short-list, nieabchodna dasłać fajł dla druku fotazdymkaŭ 30x45 sm
Imia fajła: na łacinicy proźvišča-imia-numar.jpeg (prykład: petrov-vasily-001.jpeg)
Dla ŭdziełu ŭ konkursie nie dapuskajucca raboty z nadpisami, vadzianymi znakami, lubymi ramkami. Fotamantaž zabaronieny.
Elektronny adras dla konkursnych materyjałaŭ: sweden@mail.bn.by z pamietkaj «Fotakonkurs».
Tekstavyja materyjały
Razam z fotazdymkami nieabchodna dasłać infarmacyju:
1. ab aŭtary: imia i proźvišča, data naradžeńnia, horad, kantaktny numar telefona;
2. ab fotazdymku/sieryi: nazva, apisańnie, miesca i ŭmovy, pry jakich byŭ zrobleny fotazdymak (źniata sieryja), a taksama lubaja inšaja infarmacyja, jakuju aŭtar ličyć nieabchodnaj dla pravilnaj interpretacyi raboty.
Uznaharodžańnie
U kožnaj temie budzie adznačany pieramožca.
Hałoŭnyja pryzy
- 2 bilety na samalot Minsk-Stakholm-Minsk ad avijakampanii «Biełavia», pražyvańnie ŭ adnym z hatelaŭ Stakholma (2 nočy) ad Pasolstva Šviecyi.
- Kruiz na dvaich Talin-Stakholm-Ryha ad kampanii «VR Lines».
Pieramožcaŭ vyznačyć žury pad staršynstvam kiraŭnika Pasolstva Šviecyi ŭ Respublicy Biełaruś Marcina Obierha.
2 i 3 miescy buduć taksama adznačany pamiatnymi pryzami.
Lepšyja fotaraboty buduć nadrukavanyja i pradstaŭlenyja na vystavie ŭ ramkach Dnia Šviecyi na płoščy Svabody 3 červienia 2017 hoda.
