Lehiendarny Cirque du Soleil vyjšaŭ z pradstaŭleńniami na vulicy Minska FOTY
Za paŭhoda da premjery ŭ Minsku novaj prahramy Varekai (pierakład z movy cyhan — «dzie zaŭhodna») artysty Cirque du Soleil vyjšli ź impravizavanymi pastanoŭkami na minskija vulicy. 19 krasavika akcioraŭ lehiendarnaha cyrka možna było nazirać u niekalkich kropkach biełaruskaj stalicy. Svaimi spantanymi vystupami na vulicach artysty Cirque du Soleil ŭrazili dziasiatki tysiač hledačoŭ pa ŭsim śviecie i voś pryjšła čarha Biełarusi.
Akramia pradstaŭleńnia, arhanizatary minskaha vystupu Cirque du Soleil prapanujuć paŭdzielničać u konkursie i vyjhrać kvitok na vosieńskaje pradstaŭleńnie. Dla hetaha treba zrabić samaje efiektnaje fota z artystami cyrku padčas vystupu na vulicach Minska i zapościć jaho ŭ sacsietki pad chešteham #CDSMinsk2017
Šou Varekai ad Cirque du Soleil adbudziecca ŭ «Minsk-Arenie» z 28 vieraśnia pa 1 kastryčnika.
