U Jehipcie znajšli mumii uzrostam 3,5 tysiačy hadoŭ
U niekropali Dra-Abuł-Naha pobač ź jehipieckim Łuksoram znojdzienyja šeść mumij u jarka raśpisanych draŭlanych trunach, akružanyja tysiačami pachavalnych statuetak, piša VVS.
AFP
Jak paviedamlaje miascovaje ministerstva pa staražytnaściach, uzrost znachodki aceńvajecca ŭ 3500 hadoŭ — takim čynam, znachodki adnosiacca da epochi Novaha carstva, jakoje jak forma staražytnajehipieckaj dziaržaŭnaści datujecca archieołahami 1550-1069 hadami da n. e.
Dyrektar Łuksorskaha biuro staražytnaściaŭ Mastafa Vaziry skazaŭ žurnalistam, što pachavańnie ŭ znakamitaj Dalinie Caroŭ z epochi XVIII dynastyi było viadomaje ŭžo ŭ pačatku minułaha stahodździa, adnak uvieś heta čas archieołahi nie mahli znajści ŭvachod u pachavalniu.
Ministr pa staražytnaściach Chaled Enani zaŭvažyŭ, što adkryćcio ŭjaŭlaje vyklučnuju važnaść, bo hrabnicy vydatna zachavalisia.
Siarod tysiačy pachavalnych fihurak — skulptury z terakoty, dreva i kieramiki. Akramia taho, pobač ź imi znojdzieny posud z roznym tematyčnym arnamientam.
Pa słovach navukoŭcaŭ, T-padobnaja struktura pachavalni typovaja dla Novaha carstva: prybudova mahilnaj prastory viadzie ŭ pramavuholnuju zału z kalidoram i ŭnutranym pakojem.
Archieołahi padkreślivajuć, što znojdzienyja mumii mohuć być tolki pačatkam: va ŭnutranym pakoi znojdzienyja bolš poźnija pachavańni, jakija adnosiacca ŭžo da pieryjadu XXI dynastyi.
Dalej śpiecyjalisty majuć namier vyznačyć pryčyny śmierci mumifikavanych ludziej, a taksama ich radavuju prynaležnaść i abstaviny ich žyćcia.