Na adkryćci motasiezona ŭ Minsku možna budzie zdać ekzamien na katehoryi A1 i A
DAI na adkryćci motasiezona ŭ Minsku 23 krasavika praviadzie praktyčny ekzamien na katehoryi A1 i A, paviedamiła BIEŁTA staršy inśpiektar pa ahitacyi i prapahandzie ADAI RUUS Frunzienskaha rajona stalicy Alena Vołčak.
Praktyčny ekzamien na prava kiravańnia matacykłam možna zdać na aŭtastajancy Ladovaha pałaca sportu pa vulicy Prytyckaha, 27, pačniecca jon u 10.00.
«Na adkryćci motasiezona Dziaržaŭtainśpiekcyjaj budzie dadzienaja mahčymaść zdać praktyčny ekzamien hramadzianam, jakija majuć paśviedčańnie kiroŭcy i chočuć adkryć A1. Tyja, chto raniej prajšoŭ praktyčnaje navučańnie, zmoža pasprabavać zdać na pravy katehoryi A», — patłumačyła Alena Vołčak. Jana nahadała, što padrabiaznaści zdačy i apłaty pasłuh raźmieščany na sajcie minskaj DAI ŭ raździele «Ekzamienacyjnaja dziejnaść». Kiroŭcy, u jakich jość katehoryja V i vyšej, mohuć atrymać katehoryju A1, zdaŭšy tolki praktyčny ekzamien, a potym, praz dva hady, aŭtamatyčna adkryć katehoryju A. Isnuje mahčymaść atrymać katehoryju A adrazu, dla hetaha nieabchodna prajści navučańnie ŭ motaškole i potym zdać praktyčny ekzamien u DAI.
